მიმდინარე პროექტები
პროექტის დასახელება: „შეზღუდული შესაძლებლობების მქონე პირთა შრომითი უფლებების გაუმჯობესების ხელშეწყობა“

პროექტის მიზანი: შეზღუდული შესაძლებლობის მქონე პირთა დასაქმების შესაძლებლობების ხელშეწყობა კვლევისა და ადვოკატირების გზით.

1. გამოწვევების გამოვლენა, რომლებიც ხელს უშლის შეზღუდული შესაძლებლობის მქონე პირთა დასაქმებას კერძო და საჯარო სექტორში;

2. შეზღუდული შესაძლებლობების მქონე პირთა თანაბარი ხელმისაწვდომობის უზრუნველყოფა საჯარო და კერძო სექტორში შრომის ბაზრის გახსნის მიზნით.

პროექტის ამოცანები: · პროექტის გუნდი ჩაატარებს საქართველოს კანონმდებლობისა და სხვა ქვეყნების საუკეთესო პრაქტიკის კვლევას, თუ როგორ უნდა გაიზარდოს მოტივაცია კერძო კომპანიებში შეზღუდული შესაძლებლობის მქონე პირთა დასაქმებისთვის ბაზრის გახსნის მზნით.

· პროექტის გუნდის მიერ ჩატარებული სამაგიდო კვლევისა და კვლევის საფუძველზე შემუშავდება შესაბამისი რეკომენდაციები, რომელიც მოიცავს საკანონმდებლო ინიციატივებს ან / და შემოთავაზებულ წინადადებებს არსებული სახელმწიფო დასაქმების პროგრამების განვითარებისთვის;

· პროექტის გუნდი შეისწავლის არის თუ არა სხვადასხვა სამუშაო ბაზრის პლატფორმები ადაპტირებული შეზღუდული შესაძლებლობის მქონე პირთა საჭიროებებისთვის, განსაკუთრებით მათთვის, ვისაც დაბალი ხედვა აქვს და მომზადდება შესაბამისი რეკომენდაციები.

პროექტის ხანგრძლივობა: 2018 წლის 1 ოქტომბერი - 2018 წლის 31 ნოემბერი. 

პროექტის ფინანსური მხარდამჭერი: ფრიდრიჰ ებერტ შტიფტუნგ საქართველო.

პროექტის დასახელება: ადამიანის უფლებათა ევროპული სასამართლოს და გაეროს სახელშეკრულებო ორგანოების გადაწყვეტილებების (საქართველოს სისხლის სამართლის მართლმსაჯულებასა და სასამართლო სისტემასთან დაკავშირებით) აღსრულების გაუმჯობესება ადვოკატირებისა და კვლევების გზით.

პროექტის მიზანი: პროექტი მიზნად ისახავს სისხლის სამართლის მართლმსაჯულების პოლიტიკის და სასამართლო რეფორმის ხელშეწყობას ადამიანის უფლებათა ევროპული სასამართლოს და გაეროს სახელშეკრულებო ორგანოების მიერ საქართველოს მიმართ გამოტანილი გადაწყვეტილებების აღსრულების/დანერგვის გაძლიერებული მონიტორინგის გზით, რათა ისინი შესაბამისობაში მოვიდნენ ადამიანის უფლებათა საერთაშორისო სტანდარტებთან.

პროექტის ამოცანები:

· სისხლის სამართლის მართლმსაჯულებასა და სასამართლო ხელისუფლებასთან მიმართებით ადამიანის უფლებათა ევროპული სასამართლოს და გაეროს სახელშეკრულებო ორგანოების გადაწყვეტილებების აღსრულების მონიტორინგის გაძლიერება საქართველოში

· იმ არასამთავრობო ორგანიზაციებისა და პრაქტიკოსი იურისტების საქმიანობის ხელშეწყობა, რომლებიც ჩართულნი არიან ადამიანის უფლებათა ევროპული სასამართლოსა და გაეროს ადამიანის უფლებათა დაცვის მექანიზმების ფარგლებში საქმის წარმოებაში/დავებში.

· ადამიანის უფლებათა საერთაშორისო მექანიზმების გადაწყვეტილებების აღსრულების ეროვნული მექანიზმების გაძლიერება და მათი მონიტორინგი შიდასახელმწიფოებრივ დონეზე.

პროექტის ხანგრძლივობა: 2018 წლის 1 სექტემბერი - 2019 წლის 31 ივლისი

პროექტის ფინანსური მხარდამჭერი: ამერიკის შეერთებული შტატების საერთაშორისო განვითარების სააგენტო, აღმოსავლეთ-დასავლეთის მართვის ინსტიტუტი, პროექტი „კანონის უზენაესობის ხელშეწყობა საქართველოში“.

პროექტის დასახელება: სამუშაო ადგილებზე შევიწროების/სექსუალური შევიწროების წინააღმდეგ ბრძოლა განათლების, სამართლებრივი კონსულტაციების/იურიდიული დახმარების და ადვოკატირების გზით.

პროექტის მიზანი: სამუშაო ადგილზე შევიწროების/სექსუალური შევიწროების სამართლებრივი დეფინიციის შემუშავება ქართული სამართლებრივი სივრცისთვის; შევიწროების/სექსუალური შევიწროების მსხვერპლთათვის საკუთარი უფლებების დაცვისთვის ეფექტური სამართლებრივი მექანიზმების შემუშავება.

პროექტის ამოცანები:

1. საჯარო სამსახურსა და კერძო სფეროში დასაქმებული პირების ცნობიერების ამაღლება სამუშაო ადგილზე შევიწროების/სექსუალური შევიწროების არსის შესახებ;

2. სტუდენტების, პროფესიონალი იურისტების ცნობიერების ამაღლება სამუშაო ადგილებზე შევიწროების/სექსუალური შევიწროების პრობლემის გადასაწყვეტად საზოგადოების აქტიური მონაწილეობის მნიშვნელობაზე;

3. სამუშაო ადგილზე შევიწროების/სექსუალური შევიწროების მსხვერპლი პირების ინფორმირება საკუთარი უფლებების შესახებ და მათი სამართლებრივი მხარდაჭერა;

4. ადგილობრივი თვითმმართველობის ორგანოების მიერ სამუშაო ადგილებზე შევიწროების/სექსუალური შევიწროების დამცავი რეგულაციების შემუშავება;

5. საქართველოს კანონმდებლობაში სექსუალური შევიწროების ცნების შემოტანის ადვოკატირება.

 

პროექტის ხანგძლივობა: 2018 წლის 01 აგვისტოდან 2019 წლის 01 მარტამდე.

 

პროექტის ფინანსური მხარდამჭერი:

კანადის ფონდი ადგილობრივი ინიციატივებისთვის.

პროექტის მიზანი:

პროექტის   მიზანია  შშმ  პირთა, განსაკუთრებით ახალგაზრდების აქტიურობის გაზრდა საარჩევნო პროცესში; მათი საარჩევნო უფლების რეალიზებისათვის თანასწორი და ხელსაყრელი გარემოს შექმნის ხელშეწყობა.

პროექტის ამოცანები:     

1. ფსიქო-სოციალური  საჭიროების, ინტელექტუალური შეზღუდვისა და ფსიქიკური პრობლემების მქონე  პირთა, მათი  ოჯახის წევრების, ასევე ადგილობრივი თვითმმართველობის ორგანოების წარმომადგენელთა ცნობიერების გაზრდა მსგავსი საჭიროების მქონე პირთა საარჩევნო უფლების შესახებ;

2. შშმ პირების და მათი ოჯახის წევრების, ასევე ადგილობრივი თვითმმართველობის ორგანოების წარმომადგენლების ცნობიერების ამაღლება სამოქალაქო აქტივობის, აქტიური მოქალაქის როლის, არჩევნებში მონაწილეობის, ხმის მიცემის პროცედურების და საარჩევნო პროცესებში მათი ჩართულობის მნიშვნელობაზე;

3. საარჩევნო პროცესებში მონაწილეობისთვის ფსიქო-სოციალური საჭიროების, ინტელექტუალური შეზღუდვის, ფსიქიკური პრობლემების მქონე ახალგაზრდების გააქტიურება;

4.საარჩევნო პროცესში მოწყვლადი ჯგუფისთის თანაბარი შესაძლებლობების შექმნის ხელშეწყობა.

პროექტის ხანგრძლივობა:

2018 წლის 1 აპრილიდან 2018 წლის 1 ნომბრამდე.

პროექტის ფინანსური მხარადამჭერი:

სამოალაქო საზოგადოების ინსტიტუტი.



პროექტის სრული სახელწოდება: ,,ქალი მსჯავრდებულებისთვის, რომელთაც განუცდიათ ძალადობა და დისკრიმინაცია, და მათი დაუცველი შვილებისთვის სერვისების მიწოდების გაუმჯობესება

პროექტის საერთო მიზანი: ქალი მსჯავრდებულების გაძლიერება, რომლებიც არიან ძალადობის და დისკრიმინაციის მსხვერპლი და ასევე მათი დაუცველი შვილების თანადგომა, მხარდაჭერის სერვისებზე გაუმჯობესებული ხელმისაწვდომობის საშუალებით

კონკრეტული ამოცანები:

შესაბამისი სარეაბილიტაციო და რეინტეგრაციის მხარდამჭერი სერვისების მიწოდება ქალი მსჯავრდებულებისათვის, რომლებიც იყვნენ ძალადობის, სტიგმის და დისკრიმინაციის მსხვერპლი;

მხარდამჭერი სერვისების ხელმისაწვდომობის გაუმჯობესება იმ მოწყვლადი ბავშვებისთვის, რომლებზეც გავლენა იქონია დედების პატიმრობამ ან მსჯავრდებამ;

სახელმწიფო და არასახელმწიფო სერვისების მიმწოდებლების შესაძლებლობების და კოორდინაციის გაუმჯობესება, რათა უკეთ მიეწოდოთ სერვისები დაუცველ ქალებს და მათ შვილებს.

პროექტის ფარგლებში ფსიქო-სოციალური, სამედიცინო, იურიდიული და საგანმანათლებლო სერვისები სულ მიეწოდებათ 300 ბენეფიციარ ქალს (პატიმარი, ყოფილი პატიმარი და პრობაციონერი).

სამართლებრივი კონსულტაციების/დახმრების ბენეფიციართა რაოდენობა- 300, მათ შორის ასევე ბენეფიციარების არასრულწლოვანი, მოწყვლადი შვილები.